Ek Baar Jahan Dil Ko Laga Lain To Wahan Pe . Roman Urdu Poetry

Dushman Ho Koi Dost Ho Parkha Nahien Kartey
Hum Khaak~nasheeN Zarf Ka Souda Nahin Kartey
Ekk Lafz Jo Keh Dein To Wohi Lafz Hai Aakhir
Kat Jaye ZubaN Baat Ko Badla Nahin Kartey
Koi Aa Kay Hamein Zarb Laga Day To Alag Baat
Hum Khud Kisi Lashkar Ko Bhi Paspa Nahin Kartey
Ek Zabt e Musafat Hai Zamaney Ki KaRi Dhoop
Ghar Se Bina Chadar Liye Nikla Nahin Kartey
Jiss Shehr mein Jana Na Ho Logon Se Sar-e-Rah
Us Shehr Ka Rasta Kabhi Poocha Nahin Kartey
Banjar Si Zameenon Pay Barasti Nahin Barish
Panchhi Kabhi Us Khait mein Utra Nahin Kartey
Ek Baar Jahan Dil Ko Laga Lain To Wahan Pe
Phir Sood O ZiyaN Kiya Hai Yeh Daikha Nahin Kartey
Dil Hai To Isay Gard Ka Sehra Nahin Karte
Aankhon Ko Kisi Baat Pay Darya Nahin Kartey
Ban Jayen To Phir Un Ki Parastish Ki Museebat
Pathar Kabhi Iss Tarah Trasha Nahin Kartey
"AQEEL" Koi Baat Hai Khamosh Si Lab Par
Kuch Lafz To Aisey Hain Jo Likha Nahin Kartey...