Ji main he aaj ki shab us ke liye jag ke kati jaiye

Ji main he aaj ki shab us ke liye jag ke kati jaiye

wo jo ankhoon se paray

ajnabi dees main gumam hawaoon main bethi he

kaya muhabat ke liye yeh bhi zaroori he ke main

uske chehre ko khadokhal main la kar dekhoon
Sach to eh he ke mujhe yad nahain ke uski jabain kesi thi
hont kese the badan kesa tha ankhain kesi thi
bas yeh yad he ke woh jesi nazar ati thi
us se kahain achi thi
yeh maho sal ka toofan buhat zalam he
woh agar pas bhi hoti to kise khabar he ke kesi hoti
yon to har raat mere dil par garaan guzarti he
phir bhi e bhole hove to hi bata
gham ki zanjeer bhala
jagte sochte rehne se kahann katti he
yeh to ahat si abhi nikhate gul ki tarah pheli he
tere qadmoon ki sada lagti he

jab kabhi koi jahaz ki shamma liye
gham ki be chain havaoon se guzarta he to dil
sham e furqat ke tasawar se larz uthta he
sham e furqat jo haqeeqat he magar khawab numa lagti he
chand jab abr ke tukroon pe safar karta he tou yoon lagta he
main bhi abr ka ik tukra hoon jise tera wasl
tera ik lamha e wasl
daimi hijr ke andoh e musalsil ke ewaz bar nahain
e mujhe abr ke tukre ki tarah chor ke jane wale
tere bakhshe hove lamhe ke ewaz
kaya mujhe deena para is se sarookar nahain
 panchawain salgira judai ki aj manaoon shab bhar
phir airport ki reling par tika ke kuhni
tere rukhsat ka samaan dahyaan  main laoon shab bhar
to jo rooti hoi ankhoon se pare
ajnabi dees ki gumnam hawaoon main kahain beethi he
( Amjad Islam Amjad)

جی میں ہے آج کی شب اس کے لیے جاگ کے کاٹی جائے 
وہ جو آنکھوں سے پرے 
اجنبی دیس کی گمنام ہواؤں میں بیٹھی ہے 
کیا محبت کے لیے یہ بھی ضروری ہے کہ میں 
اسکے چہرے کو خدو خال میں لا کر دیکھوں 
سچ تو یہ ہے کہ مجھے یاد نہیں کہ اسکی جبیں کیسی تھیں
ہونٹ کیسے تھے، بدن کیسا تھا، آنکھیں کیسی تھیں
بس یہ یاد ہے کہ وہ جیسی نظر آتی تھی 
اس سے کہیں اچھی تھی 
یہ ماہ وسال کا طوفان بہت ظالم ہے 
وہ اگر پاس بھی ہوتی تو کسے خبر ہے کیسی ہوتی 
یوں تو ہر رات میرے دل پر گراں گزرتی ہے 
پھر بھی اے بھولے ہوئے تو ہی بتا 
غم کی زنجیر بھلا 
جاگتے ، سوچتے رہنے سے کہاں کٹتی ہے 
یہ تو آہٹ سی ابھی نکہت گل کی طرح پھیلی ہے 
تیرے قدموں کی صدا لگتی ہے 
جب کبھی کوئی جہاز یاد کی شمع لیے 
غم کی بے چین ہواؤں سے گزرتا ہے تو دل
شام فرقت کے تصور سے لرز اٹھتا ہے 
شام فرقت جو حقیقت ہے مگر خواب نما لگتی ہے 
چاند جب ابر کے ٹکروں پہ سفر کرتا ہے تو یوں لگتا ہے 
میں بھی اک ابر کا ٹکرا ہوں جسے تیرا وصل 
تیرا اک لمحہ وصل 
دائمی ہجر کے اندو ہ مسلسل کے عوض بار نہیں 
اے مجھے ابر کے ٹکرے کی طرح چھوڑ کے جانے والے 
تیرے بخشے ہوئے لمحے کے عوض 
کیا مجھے دینا پڑا اس سے سرو کار نہیں 
پانچویں سالگرہ جدائی کی آج مناؤں شب بھر 
پھر ایئر پورٹ کی ریلنگ پر ٹکا کے کہنی 
تیرے رخصت کا سماں دھیان میں لاؤں شب بھر
تو جو روتی ہوئی آنکھوں سے پرے
اجنبی دیس کی گمنام ہواؤں میں کہیں بیٹھی ہے 
( امجد اسلام امجد )