Yeh woh Aansoo hain jo dunya ko Bahaa lay Jayen . Roman Urdu Poetry

Intezamaat naye Siray se Sambhalay Jayen
Jitne kamzarf hain Mehfil se nikalay Jayen
Mera Ghar Aag ki lapTon mein Chhupa hai Lekin
Tab Maza hai tere Aangan mein Ujalay Jayen
Gham Salamat hai to peetay hi rehen ge lekin
Pehle Maikhanay K halaat Sambhalay Jayen
Khali waqtoN mein kahin baith ke ro lain Yaaro
Fursatain hai to Samunder hi Khangalay Jayen
Khaak mein yuN na mila Zabt ki tauheen na Ker
Yeh woh Aansoo hain jo dunya ko Bahaa lay Jayen
Hum bhi Pyasay hain Yeh Ehasaas to ho "SAQI" ko
Khali Sheeshay hi hawaoN mein Uchhalay Jayen
Ao Shehr mein naye dost banayen Yaaro
AasteenoN mein chalo Saanp hi Palay Jayen
Jitne kamzarf hain Mehfil se nikalay Jayen
Intezamaat naye Siray se Sambhalay Jayen ..