magar phir yuN huwa jaana

Ajab sanjog hai jaana
yeh kaisa rog hai jaana
baRay booRhay batatay thay
kayi qissay sunatay thay
magar hum maantay kab thay?
yeh sab kuch jaantay kab thay?
k
bohot pukhta iraday
kis tarah TooT jate hain?
hamain Idraak hi kab tha
hamein kaamil bhrosa tha
hamare sath kisi soorat bhi
aisa ho nehin sakta
yeh dil kabhi qaboo se be~qaboo
ho nehin sakta
Magar
magar phir yuN huwa jaana
najanay kyun huwa jaana
jigar ka khooN huwa jaana
Tere Abroo ki ik jumbash per
tere qadmoN ki aahaT per
Ghulabi muskurahaT per
tere sir k isharay per
sada-e-dilrubana per
chehra-e-ma'soomana per
nigah-e-qaatilana per
jafa-e-mehrmana per
ada-e-kafirana per
ghayal ho gaye hum bhi
baRay be~baak phirtay thay
maayil ho gaye hum bhi
sakhawat kerne aaye thay
aur saa'el ho gaye hum bhi
baRay booRhon ki in baatoN k
Qaa'il ho gaye hum bhi
k
Mohabbat Rog hai jaana
Ajab sanjog hai jaana