Usay Shayad Is Ki Khabar Nahi

Jisay Naaz Sheesha-e-Dil Pay HaI, Usay Shayad Is Ki Khabar Nahi
K Yeh PathroN Ka Dayaar HaI, YahaN Koi Aaina'Gar Nahi
Wo Musafir-e-Shab-e-Zeest Hon K Kisi Ki Mujh Pe Nazar Nahi
Mere Raaste Ki Saher To Hai, Mere Raaste Mein Sahar Nahi
Mere Sath Sath RawaN To Hai, Koi Saaya Sa Kisi Yaad Ka
Hai Wohi Shareek-e- Safar Mera, Jo Mera Shareek-e-Safar Nahi
Gham-e-Dil Tera Gham-e-Dil SahI, Isay Kar Tu Nazar-e-Gham-e-JahaN
Wo Chiraagh Koi Charaagh HaI? Jo Charaagh-e-Raah-e-Guzar Nahi
Ye Sham-e-Ishq Ki Be~Dili, Ye Hayat-e-Fan Ki UdasiyaN
Mere Shehr-e-Gham Mein Hai Kon Si, Wo Gali Jo Khaak Basar Nahi
Main Kisi Ke Husn Ki Dilkashi , Jo BayaaN Karon To Bhi Kis Tarah
K Nazar Ke Paas ZubaaN Nahi, To ZabaaN K Paas Nazar Nahi
Ye Dayaar-e-Ghaflat-e-Shauq HaI, Na Hamare Saath Chale Koi
K Guzar Rahe Hain WahaN Se HuM, JahaN Khud Hamara Guzar Nahi
Na Hi Ghuncha-e-Dil Khila, Na Mili Hayaat Ko Roshani
Ye Sehar To Aur Kisi Ki HaI, Ye Sehar Hamari Sehar Nahi